युवा कवि धर्मेंद्र उनियाल ‘धर्मी’ की गढ़वाली कविता… यू कोराना कू काल छ
धर्मेंद्र उनियाल 'धर्मी'
चीफ़ फार्मासिस्ट, अल्मोड़ा
-------------------------------------
यू कोराना कू काल छ,
फूटियूं सबूकू कपाल छ।
कैकी ह्वईं मुखडी सफेद,
कैकी पट कैक लाल छ। १
यू कोराना कू काल छ,
फूटियूं सबूकू कपाल छ।
होटल वाला भूखा मरना,
गौं मा मजूरी ध्याड़ी करना।
कैमा नी छ आटू न चौंल,
कैमा भुज्जी न दाल छ।२
यू कोराना कू काल छ।
कुछ मरयन अस्पतालू मा,
कुछ सरकारी फेर जालू मा
भैर त सब भलू बतौणा
पर भीतर बुरू हाल छ।३
यू कोराना कू काल छ।
काम धंधा चौपट ह्वैग्यन,
लक्ष्मण रेखा चौखट ह्वैग्यन
जनू पिछल्यू साल गुजरी,
यू भी त वनी साल छ।४
यू कोराना कू काल छ।
मंहगाई की रेल निकली,
हमारू तुम्हारु तैल निकली।
अर्थव्यवस्था डूबी गै पर,
मंहगाई त मा उछाल छ।५
यू कोराना कू काल छ।
स्कूलू मा लग्यां ताला,
काई सेंवालू मोटा जाला
फीस त हम तैं देण पड़ी।
यू ऑनलाइन क...